திருமணமான பெண்கள் எத்தனை மெட்டி அணியலாம்? - ஜோதிடர் பதில்கள்! ஜோதிடர் பதில்கள் !

திருமணமான பெண்கள் எத்தனை மெட்டி அணியலாம்? - ஜோதிடர் பதில்கள்!


1. பெண்கள் மெட்டி எத்தனை அணியவேண்டும்?

மெட்டியை கால்களில் உள்ள பெருவிரலுக்கு அடுத்த இரு விரல்களிலும் அணியலாம்.

திருமணமான பெண்கள் மெட்டியை அணிவதால் கருப்பையில் உள்ள பிரச்சனைகள் தீரும்.

மெட்டி அணிவதால் விரைவாக குழந்தை பாக்கியம் உண்டாகும்.

2. இருசக்கர வாகனத்தில் பன்றி மோதிவிட்டால் என்ன செய்ய வேண்டும்?

வாகனத்தை சுத்தம் செய்து விநாயகர் கோவிலுக்குச் சென்று அர்ச்சனை செய்து வரவும்.

பன்றி என்பது வராஹி பெருமானின் அவதாரம். ஆகவே வராஹி பெருமானின் கோவிலுக்குச் சென்று அர்ச்சனை செய்து வரவும்.

வாகனங்களில் செல்லும் போது மிகுந்த எச்சரிக்கையுடன் செல்லவும்.

3. குழந்தை பாக்கியம் பெற வேண்டும் என்றால் என்ன மந்திரம் சொல்ல வேண்டும்?

கந்த சஷ்டி விரதம் இருந்து 'ஓம் சரவணபவ" என்னும் மந்திரத்தை தினமும் 108 முறை ஜெபிப்பதால் குழந்தை பாக்கியம் கிடைக்கும்.

சஷ்டியில் விரதம் மேற்கொண்டால் குழந்தை பாக்கியம் கிடைக்கும்.

ஸ்ரீசந்தான கோபால கிருஷ்ண யாகம் செய்வதால் குழந்தை பாக்கியம் பெறலாம்.

வியாழக்கிழமை அன்று புத்திர காரகரான குரு தட்சிணாமூர்த்திக்கு தீபம் ஏற்றி, முல்லை மலரிட்டு கற்கண்டு சாதம் படைத்து வரவும்.

4. கணவன் மனைவி ஒற்றுமைக்கு என்ன செய்ய வேண்டும்?

கணவன் மனைவி ஒற்றுமைக்கு உதாரணமாக திகழும் அர்த்தநாரீஸ்வரரை வணங்கி வருவதன் மூலம் குடும்பத்தில் சண்டை சச்சரவுகள் நீங்கி ஒற்றுமை உண்டாகும்.

இல்லங்களில் 'அடங்கல் விடைமேல் அமர்ந்த ஐயனும் அம்பாளும்" உள்ள படத்தை வைத்து வணங்க வேண்டும்.

திருச்சியில் உள்ள திருவானைக்காவல் அம்பிகையையும், இறைவனையும் வணங்கி வருவதால் கணவன் மனைவிக்குள் ஒற்றுமை மேலோங்கும்.

5. புதிய பைக் வாங்க சிறந்த நாள் எது என்று கூறுங்கள்?

வெள்ளிக்கிழமைகளில் சுக்கிர ஓரையில் வாகனம் வாங்குவது வாகன விருத்தியை கொடுக்கும்.

அஸ்வினி, மகம், மூலம் ஆகிய நட்சத்திரங்களில் வாகனம் வாங்கலாம்.

சஷ்டி, பௌர்ணமி, ஏகாதசி போன்ற திதிகளில் வாகனத்தை வாங்குவது சிறப்பு.