பிரதோஷ விரதம் இருப்பது எப்படி? - ஜோதிடர் பதில்கள் ! ஜோதிடர் பதில்கள் !

பிரதோஷ விரதம் இருப்பது எப்படி? - ஜோதிடர் பதில்கள் !
ஜோதிடர் பதில்கள் !

1. பிரதோஷ விரதம் இருப்பது எப்படி ?

பிரதோஷ விரதம் இருப்பவர்கள் காலையில் எழுந்தவுடன் காலை கடன்களை முடித்துவிட்டு, சிவபெருமானை நினைத்து விரதம் இருக்க ஆரம்பிக்க வேண்டும்.

உடல் நிலைக்கு தகுந்தாற்போல் விரதத்தை மேற்கொள்ளவும். முடியாதவர்கள் பால் மற்றும் பழத்தில் சிறிதளவு மட்டும் உண்ணலாம்.

பிரதோஷ நேரம் எனப்படும் மாலை 4.30 முதல் 6.00 மணிக்குள் சிவாலயங்களில் நடைபெறும் விசேஷ பூஜையில் கலந்து கொள்ள வேண்டும்.

பூஜையின் முடிவில் கொடுக்கப்படும் பிரசாதத்தை உண்டு விரதத்தை நிறைவு செய்யலாம். மேலும், வீட்டிற்கு வந்து புதிய உணவை தயாரித்து, இறைவனுக்கு படைத்து பின், உணவு உண்டு விரதத்தை நிறைவு செய்யவும்.

2. மாடு வாங்குவதற்கு இராசி மற்றும் நட்சத்திரத்தைப் பார்க்க வேண்டுமா ?

கால்நடைகள் என்பது இலாபம் தரக்கூடிய தொழில் சார்ந்த உயிரினம் ஆகும்.

தொழில் ஆரம்பிக்க இராசி மற்றும் நட்சத்திரத்தைப் பார்ப்பது போல கால்நடைகள் வாங்கும் போதும் இராசி மற்றும் நட்சத்திரத்தைப் பார்க்க வேண்டும்.

3. என் மகன் ஆடி மாதத்தில் பிறந்தான். அதனால் ஏதும் பாதகம் உண்டா ?

ஆடி மாதத்தில் எந்த உயிரினம் பிறந்தாலும் அதற்கு பாதகம் இல்லை.

ஆடி மாதத்தில் பிறந்தவர்கள் அதிகமாக பேசும் குணம் கொண்டவர்கள்.

குருமார்களிடம் அதிக அன்பு கொண்டவர்கள்.

உடலில் அஜீரணம் சம்பந்தமான பிரச்சனைகளை உடையவர்கள்.

4. ஆடிப்பூரம் பற்றி விளக்கம் வேண்டும் ?

ஆண்டாள் அவதரித்த திருநாளே ஆடிப்பூரம் ஆகும்.

இந்நாளில் அம்பிகைக்கு சீமந்தம் நடைபெற்றதாக கருதப்படுகிறது.

சில இடங்களில் இந்நாள் பார்வதிதேவி பூப்பெய்திய நாளாகவும் கருதப்படுகிறது.

அம்பிகையின் திருமண நாளாக பல கோவில்களில் விசேஷ நிகழ்ச்சிகள் நடத்தப்படுகின்றன.

பொதுவாக ஆடிப்பு+ரம் அம்பிகையின் வழிபாட்டிற்கு உகந்த நாளாகும்.

5. தந்தை இறந்த பிறகு குலதெய்வ கோவிலுக்கு எப்போது செல்லலாம்?

தந்தை இறந்த பிறகு ஆண் வாரிசுகள், ஒரு வருடம் கழித்தே குலதெய்வ கோவிலுக்கு செல்ல வேண்டும்.

திருமணம் ஆகாத பெண் வாரிசுகள், ஒரு வருடம் கழித்தே குலதெய்வ வழிபாட்டை மேற்கொள்ள வேண்டும்.

திருமணம் ஆன பெண்கள் ஒரு மாதம் கழித்து குலதெய்வ வழிபாட்டை மேற்கொள்ளலாம். ஏனெனில், திருமணம் ஆன பெண்களுக்கு மாமனாரே தந்தை ஆவார்.