உங்க நடுவிரல் நீளமா இருக்கா? அகலமா இருக்கா?
நடு விரல் (பாம்பு விரல் - சனி விரல்) !
பாம்பு விரல் நீண்டும், அகன்றும் கனத்தும் காணப்பட்டால் இவர்கள் பேச்சாலே
பிறரைக் கவரக் கூடியவர்களாக இருப்பார்கள். அதே சமயம் இரக்க குணமும்
இருக்கும். கடுமையான முயற்சி செய்து பொருள் சம்பாதிப்பார்கள். நம்பிக்கை
உள்ளவர்கள். மனமும், உடலும் உறுதி படைத்தவர்கள்.
நடுவிரல் மோதிர விரலைவிட நீளமாகக் காணப்பட்டால் சரிசமமான பலன்களை
அனுபவிப்பார். அவர்களுக்கு கஷ்ட நஷ்டங்களை சரிசமமாக அனுபவிப்பார்கள்.
மோதிர விரலும், பாம்பு விரலும் ஒரே அளவு நீட்டமாக இருந்தால் இவர்கள்
சு+தாட்டத்தில் பிரியர்களாகவும், மற்றவர்களை விட வல்லவர்களாக இருப்பார்கள்.
ஆள்காட்டி விரலை விட பாம்பு விரல் குறைந்து இருந்தால் இவர்களுக்கு சித்த
பிரம்மை பிடிக்கக் கூடும். இவர்கள் பிறருக்கு நம்பிக்கைத் துரோகம்
செய்வதால் பல இழப்புக்கு உள்ளாக நேரிடலாம்.
ஆள்காட்டி விரலும், பாம்பு விரலும் சமமாக இருந்தால் இவர்கள் பலப்பல தொல்லைகளுக்கு உள்ளாவார்கள்.
பாம்பு விரலின் முனைப் பாகமானது அகலமானதாக இருந்தால் இரக்க சுபாவம்
உடையவர்களாக இருப்பார்கள். மேலும் கலையின் மேல் இவர்களுக்கு அதிக நாட்டம்
இருக்கும். இந்த விரலின் முனைப் பாகம் கூர்மையாக இருக்குமானால்
சுயநலவாதிகளாகவும், பிறருடைய துன்ப துயரங்களுக்கு இரங்காதவர்களாகவும்
இருப்பார்கள்.
நடுவிரலானது எவ்விதக் கனமும் இல்லாமல் அகலமும் குறைந்து நீளமும் குறைந்து
காணப்படுமானால் இவர்கள் மற்றவர்களுடைய வெறுப்புக்கு ஆளாக வேண்டி வரும்.
சின்ன சின்ன இன்பம் தரும் காரியங்களில் ஈடுபடுவர். மேலும் இவர்களுக்கு
சுயநலம் இருக்கும், கர்வம் உள்ளவர்களாக இருப்பார்கள்.
நடு விரல் (பாம்பு விரல் - சனி விரல்) !
