ஆள்காட்டி விரலில் மோதிரம் அணியலாமா? - ஜோதிடர் பதில்கள் ! ஜோதிடர் பதில்கள் !

ஆள்காட்டி விரலில் மோதிரம் அணியலாமா? - ஜோதிடர் பதில்கள் !
ஜோதிடர் பதில்கள் !

1. துளசி மாடம் எங்கு வைப்பது?

துளசி மாடம் வடகிழக்கு மூலையில் இருப்பது சிறப்பு.

துளசி மாடத்திற்கு தினமும் மாலையில் விளக்கு ஏற்றுவது சிறப்பு.

துளசி மாடத்திற்கு வெள்ளிக்கிழமை அன்று வீட்டில் உள்ள பெண் குழந்தைகள் விளக்கு ஏற்றுவது இலட்சுமி கடாட்சத்தை உண்டாக்கும்.

2. இருக்கும் வீட்டை இடித்துவிட்டு புதிய வீடு கட்ட முயற்சி எடுக்கலாமா?

பழைய வீட்டை இடித்துவிட்டு புதிய வீடு கட்ட முயற்சி செய்யலாம்.

செவ்வாய் கிழமைகளில் பழைய வீட்டை இடித்து புதிய வீடு கட்ட முயற்சி செய்வது நல்ல பலனை அளிக்கும்.

மற்ற நாட்கள் மத்திமமான பலனை கொடுக்கும். வெள்ளி, சனிக்கிழமைகளில் இடிப்பது காரிய தடங்கலை ஏற்படுத்தும்.

மகர ராசிக்காரர்களுக்கு தை மாதம் முதல் ஏழரை சனி ஆரம்பிப்பதால் விரயங்கள் ஏற்படும். அந்த விரயத்தை மனை கட்டுவதன் மூலம் சுப விரயமாக மாற்றிக் கொள்ளலாம்.

3. தொட்டில் கட்ட சிறந்த நாள் எது?

தொட்டில் கட்டுவதற்கு முன் வீட்டை சுத்தப்படுத்த வேண்டும்.

குழந்தை பிறந்த 11 அல்லது 16 நாள் தொட்டில் கட்டலாம்.

தொட்டில் கட்டும் நாளில் அமாவாசை, கரிநாள், தனியநாள், அஷ்டமி மற்றும் நவமியை தவிர்ப்பது நல்லது.

4. ஆள்காட்டி விரலில் மோதிரம் அணியலாமா?

ஆள்காட்டி விரலில் மோதிரம் அணியலாம்.

குருவிற்கு தொடர்புடைய நவரத்தின கல் கொண்ட மோதிரம் அணிவது சிறந்த பலனை தரும்.

5. ஒவ்வொரு ராசிக்கும் எந்த கலர் கல் என தெரியப்படுத்தவும்?

ராசியை பொறுத்து கற்களை அணியக் கூடாது.

இலக்னத்தை பொறுத்தே கற்களை அணிய வேண்டும்.

கற்களை அணியும் விதத்தில் கவனம் தேவை.